خر زهره

اَر کِسی که عُضوِ شورا شَهر اَبو

وا دَرو دیوار و   مَردُم     قَهر  اَبو

پوُلِ نَوسازی..عَوارِض وَختِ نی

جایِ آهَن سَقف تیر و  مَهر  اَبو

یَک زَمانی خَرسِ مَردُم چَکَّه ای

اَر چی اُندِن  چَکَّیا  وا    نَهر  اَبو

قَند   و حَلوایِ  گِشاط  اَز  دَسُشو

اَرکی واسی وا زِنوم و    زَهر  اَبو

گَرکه شَورا تادِه یَک تِکَّی مُشاط

جونِ خُت  اِنگار    مَروِ    تَهر  اَبو

گَووِ  خَیرُاله  عَلَف  اُشنی   بُخُی

اُشگُتِم  اَز  گُشنِگی   وا  کَهر اَبو

اَر کِسی حَرفُم  قَبوُل اُشبوچه جُئو

مِثلِ  بُلبُل    شِعریا   شَز بَهر  اَبو