خر زهره

اِسال کِل بِکَشی تاکه کَل بِبو دُشمَن

دعام کِرده دِگَه شیت وشَل بِبودُشمَن

دِگَ خو کَیدو نِبینَم که گَپ بِبواَلَکی

بِداکه پِسَّه بِبَم   تا     کَکَل بِبودُشمَن

نُنِ حَلال   مُخَرده   اَگَ   چُنِ نَیگَم

بِگو حَروم بُخوی  واچَکَل بِبودُشمَن

کِسی که دَرغَم وشادیموبورَفیق اِسّی

رَفیق اِنده  نِبو یَک  تَکَل  بِبو  دُشمَن

دِلُم شَوی که بِبَم آو و نو وَسُی گُشنَه

مَوی که کوزَه بِبَم  تا  بُکَل بِبودُشمَن

شما که کَلَّتو باد اُشبا تَختَه گازمَچی

مواظِبُش بی که شایَد  تَغَل بِبودُشمَن

اَگَ وَ بادِ  غُرورُش  چِده   اَبَرا شِسّه

مَوی که اَز بُنِ فیسُش چَغَل بِبودُشمَن