کَندَر   شَدوش   پیپِ پُرِ  آو که زنده بو

وابیر  واز اَکُن   رَهِ   پاراوکه زنده بو

 

هفتاد   ساله   سایَیِ    تَیتَخ    شَلو  سِرَ

باید  بغَل  بِزِن  اَکَپَی  لَو    که زنده بو

 

باید  که  آو بُبُی  وس   بی نو   نِوامَنه

باید که از چَشُش بِگِرِ  خَو   که زنده بو

 

اَز دَسِ   کَندَرُش  چه  کَمون  وابُده تَنَش

دوشُش بِنوش ِ اِنگا جَمَی شَو که زنده بو

 

بِرکه  چُنِ  بِچُش  که  شَکولَی شَگَردَنه

اِم  اَز  تبار  بیغِ  اَکُن  رَو  که  زنده بو

 

وازَحمَتِ تو چِخرِک اَچَرخی اَدَورِ خُش

وا بَندِ بِرکَه پیپ   شَخَ   کَو  که زِندَه بو

 

دینام اُند و چِخرِک و بَندُت   اَموزَه   چو

بعد از تو پیپ وکندرو سَکرَوکه زنده نی